［希臘之旅 Part 1 - 聖托里尼］
今次同老公選擇先到小島放鬆下才到雅典比較城市既地方。我諗聖托里尼機場係我去過咁多地方最細既機場，細到從跑道可行到（安全起見要坐車的）去攞行李，一條行李帶，隔離就係門口出機場。
因為唔識路關係，我地叫左酒店的士接，大概15分鐘就到，周圍完全係雜草，同老公心諗死喇..但酒店超靚，只係個島周圍都係咁。
酒店係Fira,好近Fira既中心點，5分鐘唔洗就到巴士站，巴士站其實已係有鋪頭。去Oia 坐巴士大概30分鐘，時間表可問站長攞或酒店會有，如果唔坐巴士可以租車，租車既話睇下咩車，我地租左buggy ,好多旅客都租呢款，平但係一開始會唔習慣，應該似電單車咁，入油似香港咁有人幫（英國自家動手），成缸油先9歐元，我地只租左一日去左Oia, 用左睇唔到咁小油，個人話滿油可去晒全島。 *注意希臘是開左邊的
Fira 係一個比Oia較平實，酒店個人都話本土人都去Fira買野。
Search